NBA, ankth për Wembanyama, basketbollisti rrëzohet e përplas kokën, braktis ndeshjen 22/04 12:14
Një nga vajzat e legjendës Diego Maradona ka sulmuar neurokirurgun Leopoldo Luque, i cili konsiderohej si mjeku kryesor i babait të saj në kohën e vdekjes së tij, gjatë një gjyqi për neglizhencë të martën.
Gianinna Maradona, në një gjykatë në qytetin San Isidro të Buenos Airesit, dëshmoi në gjyqin e shtatë profesionistëve mjekësorë të akuzuar për neglizhencë gjatë vdekjes së babait të saj në vitin 2020.
“Dëgjova në televizion se ai tha se nuk ishte mjeku i tij dhe kjo më zemëron shumë që ai nuk merr përgjegjësi”, tha Gianinna Maradona.
Maradona vdiq nga një atak kardiak më 25 nëntor 2020
Luque dhe gjashtë të tjerë po përballen me një gjyq të ri, sepse majin e kaluar gjykata shpalli gjykim të pavlefshëm pasi Julieta Makintach, një nga tre gjyqtaret kryesuese fillestare, dha dorëheqjen për shkak të kritikave në lidhje me pjesëmarrjen e saj në një dokumentar mbi çështjen.
Rasti i neglizhencës akuzon ekipin mjekësor të Maradonës për dështimin në ofrimin e kujdesit të duhur në javët para vdekjes së tij në një shtëpi në periferi të Buenos Airesit. Maradona vdiq në moshën 60 vjeç nga një arrest kardiak, ndërsa po shërohej nga një operacion për një mpiksje gjaku në tru.
Të pandehurit, të cilët i mohojnë të gjitha akuzat, u akuzuan për vrasje me dashje, një akuzë e ngjashme me vrasjen e pavullnetshme, pasi nënkupton se të pandehurit ishin të vetëdijshëm për rrezikun e shkaktuar nga sjellja e tyre e dyshuar e pamatur dhe e injoruan atë.
Top Channel
