Serie A/ Nico Paz nuk i mjafton Como-s, Sassuolo e mund, Fabio Grosso i bën nder Juventusit 17/04 20:52
Emri i Fisnik Asllanit është i theksuar me të kuqe në zyrat e klubeve më të mëdha të Evropës. Nuk është sekret që Barça po e monitoron nga afër sulmuesin premtues të Hoffenheimit, i cili po kalon një sezon spektakolar me statistika të nivelit të lartë.
I vetëdijshëm për të gjitha thashethemet rreth të ardhmes së tij, sulmuesi i Kosovës ka thyer heshtjen në një intervistë ekskluzive me “Sky Sport” në Gjermani. Deklaratat e tij, mes thashethemeve të shumta, e kanë bërë shumë të qartë se ai ndihet gati për të ndërmarrë hapin tjetër.
Kur u pyet drejtpërdrejt për të ardhmen e tij dhe dëshirën për të luajtur në Champions League, Asllani nuk i kurseu fjalët. Ai foli sinqerisht, duke zbuluar anën e tij më ambicioze: “Natyrisht, Champions League është ëndrra e çdo futbollisti. Mendoj se është një ndjenjë e mrekullueshme të luash në atë kompeticion. Më dridhet trupi vetëm kur e shoh në televizor dhe dëgjoj himni”, tha fillimisht ai.
“Unë gjithmonë e shikoj Champions League me babanë tim, kështu që të luaj në këtë kompeticion një ditë është një objektiv i madh. Është diçka që e kam ëndërruar që kur isha fëmijë i vogël”, vijoi Asllani. Këto deklarata, mund të interpretohen si një shenjë e qartë se ai po kërkon një klub që luan në Champions, një arenë që Barcelona ia siguron sistematikisht.
Vlen të kujtojmë se agjenti i tij, Ayman Dahmani, i kishte nxitur gjërat duke konfirmuar kontaktet: “Interesi i Barcelonës për lojtarin është real për momentin dhe klubi katalanas na ka kontaktuar”.
Top Channel
