E ardhmja e Marcus Rashford mund të ketë marrë një kthesë të papritur në javët e fundit. Pikërisht kur gjithçka tregonte se ai do të qëndronte te Barça, tani duket se klubi katalanas e ka pezulluar transferimin për shkak se ka humbur rolin e tij titullar në fazën vendimtare të sezonit.
Nga Anglia raportohet se sulmuesi anësor do të ishte i hapur për një rikthim te Manchester United nëse Barça bllokon transferimin e tij. Ndryshimi i trajnerit dhe projekti i ri në klubin anglez mund ta joshin një nga lojtarët më të dashur të tifozëve.
Rashford ka kontratë me United deri në vitin 2028. Prioriteti i tij ishte të qëndronte te Barcelona dhe agjentët e tij ishin takuar disa herë me klubin katalanas për të rënë dakord për kushtet. Gjithsesi, marrëveshja është ftohur ndjeshëm, deri në atë pikë sa ai mund të ketë më shumë gjasa të largohet sesa të qëndrojë në “Camp Nou”.
Problemi kryesor është se Rashford nuk është titullar i rregullt te Barça dhe mbajtja e tij vjen me një pagë shumë të lartë. Tarifa e transferimit të tij është vendosur në 30 milionë euro me opsionin e blerjes dhe paga e tij do të ishte ndër më të lartat në skuadër.
Top Channel
