Një ngjarje tragjike ka ndodhur këtë pasdite në Vlorë, ku një fëmijë 2-vjeçar ra nga ballkoni i katit të katërt dhe ndërroi jetë.
Në njoftimin e policisë thuhet se i mituri ndodhej në banesën së bashku me nënë e tij dhe ndërroi jetë në vend pas rënies nga lartësia.
Reagimi i policisë:
Sot, rreth orës 18:20, në lagjen “Pavarësia 3”, një fëmijë 2 vjeç, dyshohet se aksidentalisht ka rënë nga ballkoni i banesës në pallatin ku banonte dhe për pasojë ka ndërruar jetë në vend.
Nga të dhënat paraprake rezulton se fëmija ndodhej në banesë së bashku me nënën e tij, shtetasen K. H.
Grupi hetimor nën drejtimin e Prokurorisë ndodhet në vendngjarje dhe po vijon punën për sqarimin dhe dokumentimin e plotë të rrethanave të ngjarjes.
Top Channel
