FOTO/ Masa ekstreme sigurie, njihuni me hotelin luksoz ku po vendoset fati i paqes SHBA-Iran
11/04 22:02
Një delegacion amerikan i udhëhequr nga zëvendëspresidenti JD Vance ka zhvilluar bisedime të drejtpërdrejta me zyrtarë të Iran në Islamabad, një zhvillim i rrallë diplomatik mes dy vendeve.
Sipas burimeve dhe mediave iraniane, palët kanë shkëmbyer dokumente me shkrim mbi çështjet kryesore dhe faza e parë e negociatave ka përfunduar, duke sinjalizuar një hap të rëndësishëm drejt uljes së tensioneve.
Paralelisht, autoritetet amerikane kanë njoftuar se dy anije të Marinës amerikane kanë nisur pastrimin e minave në Ngushticën e Hormuzit, duke shënuar kalimin e parë të njohur të anijeve amerikane në këtë zonë që nga fillimi i konfliktit.
Siguria në Ngushticën e Hormuzit mbetet një çështje kyçe në negociata, pasi ndërprerjet në këtë korridor kritik kanë ndikuar drejtpërdrejt në furnizimin global me naftë dhe në transportin ndërkombëtar.
Ndërkohë, tensionet në rajon vazhdojnë të rriten, pasi Izraeli po vijon operacionet ushtarake kundër Hezbollaut në Lebanon, duke rrezikuar përpjekjet diplomatike për paqe.
Diplomatë izraelitë dhe libanezë pritet të takohen javën e ardhshme, ndërsa kryeministri libanez ka shtyrë një vizitë të planifikuar në Washington, në një tregues të pasigurisë së vazhdueshme politike dhe të sigurisë.
Top Channel
