Brentford dhe Everton dhuruan spektakël dhe emocione në ndeshjen mes tyre të javës së 32 të kampionatit anglez, por jo fitues. Në Gtech Community Stadium skuadrat ndanë nga 1 pikë secila pasi sfida u mbyll me rezultatin 2-2.
Brentford e nisi në mënyrën më të mirë të mundshme këtë ndeshje teksa në minutën e 3 fitoi një 11 metërsht që u ekzekutua saktë nga Igor Thiago duke marrë kështu kryesimin në rezultat në 1-0. Reagimi i Everton nuk vonoi shumë me skuadrën nga Liverpool që barazoi shifrat në 1-1 në minutën e 26 falë golit të Betos.
Historia u përsërit edhe në pjesën e dytë, me Brentford që mori përsëri kryesimin, tani në 2-1 me golin e Igor Thiagos që realizoi një dygolësh personal. Por edhe në këtë rast Everton arriti të kundërpërgjigjej dhe këtë e bëri pikërisht në minutat shtesë të ndeshjes kur u mendua se Brentford po merrte 3 pikëshin, falë golit të Deësbury-Hall për të fiksuar rezultatin final të ndeshjes 2-2. Pas këtij rezultati gjërat nuk ndryshojnë në klasifikim mes dy skuadrave që shkojnë në 47 pikë secila me Brentford që është në vendin e 7 dhe Everton në të 8.
Burnley i Armando Brojës i afrohet gjithnjë e më shumë Championshipit teksa pësoi një tjetër humbje, atë me Brightonin në shtëpi me rezultatin 0-2. Matts Wieffer u bë njeriu i ndeshjes teksa shënoi të dy golat për Brightonin që shkon në kuotën e 46 pikëve, ndërsa Burnley mbetet në vendin e parafundit me 20 pikë.
Top Channel
