Real Madrid nuk kalon dot as Gironën, ngec ndaj katalanasve, buzëqesh Barcelona 10/04 23:06
Gian Piero Gasperini ka varur këpucët në gozhdë prej vitesh të tëra, por vazhdon të argëtohet me driblimet, vetëm se tani ‘viktimat’ nuk janë kundërshtarët në fushën e lojës, por gazetarët me pyetjet e tyre të sikletshme. Kështu Gasperini nis gjithçka duke analizuar fitoren 3-0 ndaj Pisas.
‘Ndeshja që në fillim u vendos në rrugën e duhur. Në Serie A nuk ka ndeshje të lehta, por mund të bëhen më pas-tha trajneri i Romës-djemtë reaguan mirë; pjesa e dytë në Milano na la një shije shumë të hidhur. Por tani jemi aty, në garë për Ligën e Kampioneve. Fjalët e Ranierit? Është më mirë të mos bëhen krahasime me Atalantën, sepse atje u bë diçka e jashtëzakonshme me të rinjtë. Kishim një skuadër që ishte kompetitive menjëherë. Me Ranierin nuk kemi pasur përplasje. Jam shumë i kënaqur për fitoren 3-0 dhe për klasifikimin. Në ditët e ardhshme do të mbështesim Atalantën dhe Interin, të shohim se çfarë do të ndodhë. Tani të shijojmë fitoren’
Trajneri Gasperini e vijoi më tej çështjen e raportit me Claudio Ranierin dhe u përgjigj me tone shakaje ndaj pyetjeve të gazetarëve.
‘Raportet me Ranierin? Nuk rrini dot eh…-ishte reagimi i parë i Gasperinit-kur largohem me dribling nuk më kap asnjë, as duke shkaktuar faull. Jam shumë i kujdesshëm ndaj paraqitjes dhe ndeshjes. Janë edhe 6 ndeshje nga fundi, është një moment delikat për të gjithë’.
Dhe në fund, Gasperini foli edhe për protagonistin absolut të ndeshjes, Donny Malen, që u transferua te Roma në merkaton e janarit
‘Malen është një lojtar me vlera-tha Gasperini-kjo kuptohej që nga karriera që ka bërë. Roli ishte pjesë vendimtare për ta bindur që të vinte te ne. Ai donte të luante qendërsulmues dhe e kishte të vështirë të gjente një skuadër që mund ta aktivizonte në atë pozicion. Na shkoi mirë të dyve, por merita më e madhe është e tij. Unë përpiqem të nxjerr më të mirën prej tyre, por meritat janë të të gjithë futbollistëve’.
Top Channel
