Franco Baresi, ish-kapiteni legjendar i Kombëtares italiane, ka komentuar humbjen e Italisë që vulosi moskualifikimin për në Botërorin 2026.
Në një intervistë për ‘Adnkronos’, Baresi theksoi: “Dje pati disa episode që ndikuan negativisht në ndeshje për ekipin tonë, por Italia nuk mund të arrijë deri në minutat e fundit për të vendosur kualifikimin”.
Legjenda e Milanit shtoi se përgjegjësia nuk bie vetëm mbi trajnerin, por mbi të gjithë futbollin italian: “Gjithë futbolli italian duhet të bëjë ‘mea culpa’, sepse rezultatet e 20 viteve të fundit janë përpara syve të të gjithëve, përveç triumfit të izoluar të Europianit”.
Megjithatë, Baresi mbrojti trajnerin Gennaro Gattuso: “Gjatë këtyre muajve ai ka dhënë shpirtin e tij dhe, sipas mendimit tim, ka bërë një punë të mirë me kohën e pakët që kishte në dispozicion. Fatkeqësisht, nuk mjaftoi. Nuk është puna ime të vendos nëse duhet të vazhdohet me të, por me siguri ai është nga më pak përgjegjësit e kësaj humbjeje”.
Ky komenti i Baresit vjen si një mbështetje e qartë për Gattuso-n në një moment të vështirë për futbollin italian, duke theksuar se përgjegjësia për dështimet e fundit nuk mund të ngarkohet vetëm mbi trajnerin.
Top Channel
