Tifozi anglez shet shtëpinë për të parë të gjitha ndeshjet e Kupës së Botës 28/03 23:21
Edhe pse Confederata Afrikane e Futbollit zyrtarisht ia hoqi titullin e Kupës së Afrikës Senegalit për t’ia dhënë në tavolinë Marokut, Senegali vazhdoi në rrugën e tij dhe këtë të shtunë zbriti në fushën e lojës për miqësoren me Peru me uniformën e re me dy yje në kraharor.
Por jo vetëm kaq, skuadra senegaleze prezantoi edhe trofeun e Kupës së Afrikës për të festuar me tifozët në Stade de France në Paris, një zgjedhje kjo koherente me linjën e mbajtur nga Federata Senegaleze e Futbollit pas apelit të bërë në Gjykatën e Arbitrazhit Sportiv, por që ushqen akoma më shumë përballjen politike dhe sportive me CAF dhe Marokun.
Trajneri Thiaw: Jemi kampionë të Afrikës. Në prag të miqësores me Perunë, trajneri i Senegalit, Pape Bouna Thiaë, në konferencën për shtyp tha në mënyrë të qartë pozicionin e grupit: ‘Për në është e qartë që trofetë fitohen në katërkëndëshin e gjelbër dhe kjo është ajo që ndodhi. Jemi kampionë të Afrikës-tha Thiaw. Në të njëjtën linjë ishte edhe Idrissa Gueye, një tjetër emër me peshë në skuadër, ndërsa Federata vazhdoi ta prezantojë publikisht skuadrën nën shenjën e ‘Kampionëve të Afrikës’.
Top Channel
