LIVE/ Në Varshavë për historinë! Polakët favoritë në baste, Asani lihet në tribunë nga Sylvinho. Dudek: Kujdes kundërsulmet

Përballë Polonisë, kuqezinjtë do të kërkojnë të marrin vetëm fitoren, që do t’i dërgonte në finalet e play-off-it për një vend në Kupën e Botës “SHBA-Meksikë-Kanada”.

Vendasit shihen favoritë në këtë takim nga ana e basteve, por kuqezinjtë do të tentojnë të përsërisin atë fitore historike tre vite më parë që na kualifikoi në EURO 2024.

Sylvinho ka bërë zgjedhjet e tij sa i përket 23 lojtarëve që do të jenë në dispozicion për këtë duel, ndërsa në tribunë janë lënë Asani, Cake dhe Gripshi.

Sfida do të startojë në orën 20:45 dhe të gjithë do të kenë mundësinë ta ndjekin drejtpërdrejt në DigitAlb.

LIVE:

13:01 “Rituali” i çuditshëm para ndeshjes me Shqipërinë, polakët largohen nga presioni i ndeshjes dhe shëtisin në… pyll

Kombëtarja e Polonisë ka zgjedhur një mënyrë të pazakontë për t’u përgatitur për ndeshjen vendimtare ndaj Shqipërisë në “playoff”-et e Kupës së Botës.

12:34 Mbrojtja me tre dhe Lewandowski në krye të sulmit, si pritet të rreshtohet Polonia në duelin me Shqipërinë

Formacionet ende nuk janë zyrtare, por sipas parashikimeve, Polonia pritet të rreshtohet me skemën 3-4-2-1. Kjo nënkupton tre mbrojtës në qendër, krahë të avancuar dhe dy mesfushorë kreativë në mbështetje të sulmuesit të vetëm.

12:16 Video/ Olsi Rama në hotelin e Kombëtares në Varshavë, vizitë surprizë për dy ish-lojtarët e Partizanit

Drejtori i Përgjithshëm i Partizanit, Olsi Rama, ishte i pranishëm në hotelin ku ndodhet Kombëtarja shqiptare në Varshavë.

12:10 Kombëtarja dhe Kosova në momentin historik/ Mbështetja vjen dhe nga ylli i pop-it, Rita Ora

Këtyre pragsfidave me atmosferë të zjarrtë në të gjitha trevat shqiptare i është bashkuar dhe ylli ndërkombëtare i muzikës pop, Rita ora që ka shfaqur publikisht mbështetjen si për kombëtaren e Kosovës, ashtu edhe për kombëtaren kuqezi.

10:55 I “tronditi” portën polakëve tre vite më parë, Asani lihet jashtë skuadrës në Varshavë, kush janë dy lojtarët e tjerë që do t’i bashkohen në tribunë

UEFA ka zbuluar listën e skuadrave dhe lojtarëve që do të jenë në dispozicion të trajnerëve për këtë sfidë, ndërsa shihet nga Sylvinho se tre lojtarë do ta ndjekin takimin nga tribuna.

10:39 Vendasit favoritë edhe me mungesa, çfarë parashikojnë bastet për “finalen” Poloni-Shqipëri

Sipas “bookmakers”-ave, kuqezinjtë nuk janë favoritët kryesorë për këtë duel, pasi kuotohen me koeficientin 5.75.

10:29 “Shqipëria është skuadër e vendosur që luan fort”/ Ish-portieri polak i Liverpool-it: Duhet të bëjmë kujdes nga…

Ish-portieri i Polonisë, Jerzy Dudek, ka komentuar përballjen gjysmëfinale të “play-off”-it për Botërorin 2026 ndaj Shqipërisë, duke u ndalur te disa nga pikat kyçe të skuadrës polake.

10:09  Nën ethet e Botërorit/ Kombëtarja, në Varshavë për të bërë historinë…

Sytë dhe veshët e të gjithë shqiptarëve në Shqipëri dhe kudo do të jenë në Varshavë ku në orën 20:45 skuadra kuqezi ka një takim të madh me historinë teksa do të përballet me Poloninë për të vazhduar me ëndrrën botëror.

Top Channel