Shkon në tre numri i viktimave nga aksidenti i rëndë rrugor i ndodhur në aksin Drashovicë–Kotë mbrëmjen e kaluar.
Fillimisht, dy persona humbën jetën në vendngjarje, ndërsa një pasagjer u transportua me urgjencë në spitalin e Vlorës në gjendje kritike.
Bëhet fjalë për 40-vjeçarin Andrea Begaj, i cili nuk arriti t’u mbijetojë plagëve të marra dhe ndërroi jetë gjatë natës.
Sipas burimeve spitalore, gjendja e tij ka qenë shumë e rënduar që në momentin e mbërritjes, duke e bërë të pamundur mbijetesën.
Nga hetimet paraprake, dyshohet se shkaku kryesor i aksidentit ka qenë shpejtësia tej normave të lejuara, ndërsa autoritetet vijojnë punën për zbardhjen e plotë të rrethanave të ngjarjes.
Ky aksident i rëndë i shtohet bilancit tragjik të ngjarjeve rrugore në vend, duke rikthyer edhe një herë në vëmendje rëndësinë e respektimit të rregullave të qarkullimit rrugor.
Lexo edhe: Aksident i rëndë në Vlorë, humbin jetën dy drejtues mjetesh
Top Channel
