Pas anulimit përfundimtar të ‘Finalissima’ me Spanjën që ishte parashikuar të luhej në 27 mars në Katar, Federata Argjentinase e Futbollit nisi punën për të gjetur një kundërshtar tjetër për skuadrën ‘Albiceleste’ dhe në fakt e gjeti.
Argjentina, kampione e botës në fuqi do të luajë në 31 mars një miqësore me Guatemalën. Federata Argjentinase e Futbollit konfirmoi gjithçka përmes një komunikate të shkurtër ku shtonte se në ditët në vazhdim do të publikonte programin e punës, listën e futbollistëve të grumbulluar dhe stadiumin ku do të luhet kjo ndeshje miqësore.
Pas diskutimeve të gjata mes UEFA, autoriteteve organizative të Katarit dhe Federatave argjentinase dhe spanjolle, 2 ditë përpara u bë e ditur se Finalissima mes skuadrës fituese të Euro 2024 dhe kampiones së Copa America 2024 nuk do të zhvillohet për shkak të konfliktit në rajonin e Lindjes së Mesme.
#SelecciónMayor ¡Nos vemos en Argentina! 🇦🇷
La Albiceleste jugará un partido amistoso el martes 31 de marzo ante #Guatemala 🇬🇹
📝 https://t.co/NB3d3Q2QVy pic.twitter.com/M0abzWG3OZ
— 🇦🇷 Selección Argentina ⭐⭐⭐ (@Argentina) March 17, 2026
Top Channel
