LIVE/ Vijon lufta në Lindjen e Mesme! Teherani kërcënon se do të vrasë Netanyahun, ky i fundit publikon video duke pirë kafe. Lideri i Iranit “arratiset” në Moskë 15/03 23:07
Ushtria e Izraelit ka zgjeruar fushëveprimin e sulmeve të saj ndaj Iranit, duke synuar strukturat e komandës dhe kontrollit të regjimit iranian, njoftuan Forcat Mbrojtëse të Izraelit (IDF).
Sipas ushtrisë izraelite, Forcat Ajrore Izraelite përfunduan një valë sulmesh ajrore më herët të dielën që kishin në shënjestër selinë e regjimit iranian në Hamedan, në Iranin perëndimor.
“Kemi mijëra objektiva të tjera për të goditur në Iran. Ushtria izraelite do të vazhdojë të sulmojë në Iran dhe kundër Hezbollahut derisa të heqë kërcënimet dhe të arrijë objektivat e operacionit”, tha zëdhënësi i ushtrisë izraelite.
IDF deklaroi se gjatë operacionit u goditën disa objekte të rëndësishme që i përkasin Korpusit të Gardës së Revolucionit Islamik dhe Forcave Basij, të cilat konsiderohen struktura kyçe të sigurisë dhe mbështetjes së regjimit iranian.
Sipas ushtrisë izraelite, sulmet janë pjesë e një fushate më të gjerë që synon të dobësojë aftësitë operative të regjimit iranian. IDF tha se operacionet janë pjesë e “një përpjekjeje të vazhdueshme për të thelluar dëmet në sistemet kryesore operative dhe në themelet e regjimit iranian”.
Top Channel
