LIVE/ Vijon lufta në Lindjen e Mesme! Teherani kërcënon se do të vrasë Netanyahun, ky i fundit publikon video duke pirë kafe. Lideri i Iranit “arratiset” në Moskë 15/03 23:07
Një këshilltar i lartë i kryeministrit të Izraelit, Benjamin Netanyahu, ka deklaruar se nuk do të ketë bisedime paqeje me Libanin derisa Hezbollah të çarmatoset.
Këshilltari për politikën e jashtme, Ophir Falk, i tha BBC News se për Izraelin veprimet konkrete janë më të rëndësishme sesa diskutimet diplomatike.
“Bisedimet janë të mira, por veprimi është shumë më i rëndësishëm”, tha Falk, duke shtuar se ekziston një marrëveshje që nga nëntori i vitit 2024 sipas së cilës qeveria libaneze duhet të shpërbëjë dhe çarmatosë Hezbollahun.
Sipas tij, Libani duhet të veprojë menjëherë për të çarmatosur grupin militant të mbështetur nga Irani.
“Ata duhet ta çarmatosin Hezbollahun dhe duhet ta bëjnë këtë menjëherë. Nëse ka vullnet, ka një mënyrë”, shtoi Falk.
Komentet e tij vijnë në një kohë kur tensionet mes Izraelit dhe Libanit mbeten të larta dhe spekulimet për mundësinë e bisedimeve të paqes midis dy vendeve janë rritur në javët e fundit.
Top Channel
