Mashtroi klienten dhe e detyroi të kryente marrëdhënie seksuale me pretekstin se do e ndihmonte me traumat e fëmijërisë, 11 vite burg për psikologun 77-vjeçar në Angli 13/03 21:37
Ish-Presidenti brazilian Jair Bolsonaro u mor në kujdes intensiv të hënën me bronkopneumoni pasi u ndje keq në burg ku po vuan dënimin për një tentativë për grusht shteti.
Ish-presidenti 70-vjeçar u transferua në klinikën private DF Star në Brasilia pasi “pati temperaturë të lartë, sasi të ulët të oksigjenit dhe të dridhura”, sipas një deklarate mjekësore të postuar nga gruaja e tij, Michelle Bolsonaro, në Instagram.
Mjeku që e trajtoi deklaroi këtë pasdite se gjendja e tij është serioze dhe ka të ngjarë të qëndrojë në spital për disa ditë. Megjithatë, për momentin, mundësia e një ndërhyrjeje të mëtejshme kirurgjikale përjashtohet.
Bolsonaro, i cili është dënuar me 27 vjet burg, ka një sërë problemesh shëndetësore dhe i është nënshtruar disa ndërhyrjeve kirurgjikale.
Ai është shtruar në spital disa herë që kur u sulmua në vitin 2018, gjatë fushatës zgjedhore, nga një burrë që e goditi me thikë në bark. Kohët e fundit ai ka vuajtur nga lemza, shpesh të shoqëruara me të vjella, për të cilat i është dashur t’i nënshtrohet një ndërhyrjeje kirurgjikale.
Gjykata e Lartë hodhi poshtë kërkesën e avokatëve të tij që t’i lejohet të vuajë dënimin në arrest shtëpiak.
“Ata po luajnë me jetën e babait tim”, u tha gazetarëve djali i tij, Flavio Bolsonaro, i cili do të kandidojë për president të Brazilit në zgjedhjet e tetorit.
Top Channel
