Flavio Briatore është një nga ato personalitete që di si të marrë vëmendjen me deklarata të forta, të sinqera dhe ndonjëherë duke tejkaluar pak etikën.
Skuadra e Alpine në Formula 1 nuk po bën mirë; rezultatet janë zhgënjyese dhe përdorimi i njësisë së fuqisë së motorit të furnizuar nga Mercedes nuk po jep rezultatet e shpresuara. E megjithatë skuderia nga Stuttgart po fluturon dhe kontaktet mes dy skuadrave janë më të afërta se kurrë.
Blerja e mundshme
Prej ditësh po qarkullojnë zërat për blerjen e Alpine nga ana e Mercedes dhe Briatore i pyetur në lidhje me këtë çështje u përgjigj hapur. ‘Çdo ditë del ndonjë gjë e re-tha Briatore-nuk e di se cili është zëri i fundit i korridoreve, por ajo që di është se po bisedojmë me Mercedes, jo me Toto ëolff. Në këtë moment kemi 3-4 blerës të mundshëm që po flasin, ju kujtoj, për kuotat e Otro Capital, jo të Alpine. është një fond amerikan dhe dëshiron të shesë kuotën e tij të aksioneve prej 24% që ka ngjallur interes te disa kandidatë. Nëse dikush do të blejë këtë kuotë ne do të jemi të lumtur’
Top Channel
