Janë luajtur dhe katër ndeshjet e mbrëmjes në fazën e 1/16-ave të Europa League.
Nottingham Forest u shtang në shtëpi nga Midtjylland me rezultatin 0-1, me ekipin danez që vijon të surprizojë në këtë kompeticion. Goli i vetëm u shënua nga Cho Gue-Sung në minutën e 80’, duke i dhënë Midtjylland një avantazh të madh për ndeshjen e kthimit që do të luhet një javë më pas.
Në Spanjë nuk pati fitues mes Celta Vigos dhe Lyon. Ekipi francez u shpëtua nga një gol i Endrick në fundin e takimit, ndërsa spanjollët u detyruan të luanin për më shumë se gjysmë ore me 10 lojtarë pas daljes me të kuq të Iglesias.
Në sfidat e tjera, Genk mundi 1-0 Freiburg, ndërsa Ferencvaros triumfoi 2-0 kundër Bragës.
REZULTATET:
Nottingham Forest 0-1 Midtjylland
Celta Vigo 1-1 Lyon
Genk 1-0 Freiburg
Ferencvaros 2-0 Braga
Top Channel
