E rëndë në Itali, gruaja 50-vjeçare vritet me thikë në Messina nga ish-partneri 11/03 10:42
Forcat izraelite nisën një sulm me dron në një zonë banimi në qendër të Bejrutit në agim të sotëm, me mediat libaneze që raportojnë katër të vdekur.
Sipas protothema.gr, sulmi ndodhi në orën 5 të mëngjesit me një dron në një zonë banimi, ku nuk ka asnjë instalim ushtarak të Hezbollahut. Sipas informacioneve, objektivi ishte një person që ka lidhje dhe bashkëpunon me organizatën libaneze.
Në fakt, në zonë është gjetur një raketë e pashpërthyer, ndërsa autoritetet libaneze po përpiqen ta largojnë atë.
Vlerësimi është se anëtarët e Hezbollahut janë zhvendosur në zonat e banuara në një përpjekje për të vazhduar aktivitetet e tyre pa u vënë re nga izraelitët.
Siç komenton Times of Israel, “paradoksalisht, sulmi ndodhi në Bejrutin qendror dhe jo në lagjen Dahia në jug të kryeqytetit libanez, të cilën IFE shpesh bën thirrje për evakuim”.
Top Channel
