Ukraina godet fabrikën ushtarake ruse me raketa Storm Shadow, priten negociata të reja për fundin e luftës 11/03 13:07
Policia zvicerane po e heton si një akt të qëllimshëm zjarrin që shpërtheu në një autobus në qytetin e Kerchers, kantoni i Fribourg, të martën vonë, dhe që rezultoi në vdekjen e gjashtë personave dhe plagosjen e pesë të tjerëve, dy prej të cilëve ndodhen në gjendje të rëndë.
Zjarri ndodhi rreth orës 18:25 (ora lokale) në rrugën kryesore të qytetit. Autoritetet po shqyrtojnë mundësinë që incidenti të ketë qenë i qëllimshëm, duke përjashtuar për momentin një motiv terrorist. Hetuesit po analizojnë dëshmitë, pasi një person hodhi një substancë të ndezshme brenda autobusit.
JUST IN: Man sets himself on fire on a bus in Kerzers, Switzerland, killing and injuring multiple people. – Blick/FOCUS pic.twitter.com/mC6Uihzo8A
— AZ Intel (@AZ_Intel_) March 10, 2026
Policia lokale tha se autobusi ishte i vetmi i përfshirë dhe se incidenti nuk kishte të bënte me automjete të tjera. Videot e postuara në rrjetet sociale tregojnë flakë disa metra të larta që dilnin nga dritaret e mesme të automjetit.
Një video e publikuar më pas tregon një person të plagosur që deklaron: “Një burrë i vuri flakën vetes. Ai i hodhi benzinë vetes dhe më pas i vuri flakën.”
Nga të plagosurit, tre janë shtruar në spital, dy prej të cilëve në gjendje të rëndë, ndërsa një tjetër u kthye në shtëpi gjatë natës. Dy të tjerë morën ndihmën e parë në vendngjarje.
Presidenti zviceran, Guy Parmelin, shprehu ngushëllimet e tij për viktimat dhe bëri me dije se autoritetet po hetojnë incidentin. “Jam i tronditur dhe i trishtuar që edhe një herë njerëz kanë humbur jetën në një zjarr të rëndë në Zvicër,” shkroi ai në X.
Ky incident vjen vetëm disa muaj pas një tragjedie tjetër në Zvicër, kur një zjarr në një bar në Crans Montana, në ditën e Vitit të Ri, mori jetën e 41 personave dhe plagosi 115 të tjerë.
Top Channel
