Si shpëtohen librat e rrallë, 41 vite restaurim në Bibliotekën Kombëtare për trashëgiminë dokumentare 07/03 16:35
Drejtoria Rajonale e Trashëgimisë Kulturore Gjirokastër ka nisur punën për restaurimin e Karakollit i Fushës së Çajupit, monument kulture i kategorisë së parë, i cili mbart vlera të veçanta historike dhe arkitekturore për zonën malore të Zagorisë.
Ky objekt historik, i njohur si “karakoll”, ka shërbyer dikur si postë vrojtimi dhe kontrolli për rojet që monitoronin lëvizjet në rrugët malore të zonës, duke përbërë një dëshmi të rëndësishme të organizimit dhe sigurisë në të kaluarën.
Ndërhyrja restauruese është përqendruar kryesisht në çatinë e objektit, e cila kishte shfaqur probleme në strukturën e saj dhe rrezikonte degradimin e mëtejshëm të godinës. Punimet janë realizuar duke respektuar elementët origjinalë të ndërtimit dhe duke ruajtur vlerat arkitekturore të këtij monumenti.
Restaurimi i këtij objekti pritet të ndikojë pozitivisht në rritjen e vizitueshmërisë në Fushën e Çajupit, një nga destinacionet më të bukura natyrore në jug të Shqipërisë .Ky monument i shtohet atraksioneve turistike të zonës, duke pasuruar ofertën për vizitorët vendas dhe të huaj që zgjedhin të eksplorojnë bukuritë dhe historinë e Zagorisë, veçanërisht në prag të sezonit turistik.
Top Channel
