Episodi i ka lënë shumë njerëz të hutuar, ja çfarë ndodhi dhe si ta shpjegojmë sjelljen e ekipit të gjyqtarëve
Një tjetër karton i kuq ka zemëruar tifozët e Juventusit. Pas episodit Kalulu-Bastoni, ngjarje që çoi në kartonin e kuq të Lloyd Kelly në ndeshjen Juventus-Galatasaray ka ngjallur diskutime. Ishte një vendim i diskutueshëm, gjyqtari në fushë kishte zgjedhur ta ndëshkonte mbrojtësin anglez me një karton të dytë të verdhë për një kontakt të mundshëm të paqëllimshëm me kyçin e këmbës së Baris Yilmaz. Një vendim tashmë i dyshimtë u bë edhe më absurd nga ndërhyrja e VAR-it. Gjyqtari Joao Pinheiro u dërgua në monitor, për habinë e të gjithëve që po shikonin ndeshjen. Në fillim, dukej sikur gjyqtari portugez ishte thirrur për një shqyrtim në fushë për të revokuar kartonin e dytë të verdhë të mbrojtësit të Juventusit, në kundërshtim me gjithçka që është thënë në javët e fundit pas ngjarjeve në San Siro. Siç tregon ngjarja Bastoni-Kalulu, VAR-I nuk mund të ndërhyjë për të anuluar një karton të dytë të verdhë.
Misteri u zgjidh brenda pak sekondash, megjithatë, kur Pinheiro, pasi analizoi pamjet filmike, u kthye në fushë, duke anuluar kartonin e verdhë që sapo kishte dhënë, por, për mosbesimin e të gjithëve, duke ia dhënë një karton të kuq drejtpërdrejt në fytyrë Kelly-t . Një vendim vërtet i pashpjegueshëm, kontakti ishte me të vërtetë i ashpër, por një karton i verdhë ishte dukur tashmë i tepërt. Në vend të kësaj, ekipi i gjyqtarëve portugezë e thirri Pinheiron në monitor për ta kthyer kartonin e dytë të verdhë në të kuq.
Një vendim i çuditshëm, veçanërisht pasi në thelb ndryshon shumë pak: Kelly, gjithsesi, do të duhej të humbiste ndeshjen e radhës të Juventusit në Ligën e Kampionëve. Me kartonin e kuq, mbrojtësi anglez mund të pezullohet për disa ndeshje, por duke pasur parasysh natyrën e rastësishme të faullit, është e vështirë të imagjinohet që paneli disiplinor i UEFA-s do ta ndëshkonte rëndë.
Top Channel
