43 milionë euro, Polonia refuzon fondet e BE-së për mbrojtjen: Nuk i duam 24/02 11:47
Një influencues udhëtimesh ka tërhequr vëmendjen në rrjet pasi pagoi 13,980 dollarë për të fluturuar në një nga suitat e klasit të parë të Singapore Airlines, duke e cilësuar përvojën si “bileta më e shtrenjtë që kam blerë ndonjëherë”.
I njohur në YouTube si @LoungeGuru, ai ka lindur në Kanada dhe jeton në Dubai, ku punon në marketing ndërsa paralelisht krijon përmbajtje për udhëtime. Në videon e publikuar, e cila ka arritur mbi 10 milionë shikime, influencuesi sqaroi se biletën e kishte paguar me para në dorë, pa përdorur një pikë shpërblimi.
Fluturimi u realizua me avionin A380 dhe përfshinte një suitë private me derë rrëshqitëse. Siç shihet në video, një asistente fluturimi e shoqëroi fillimisht drejt suitës në katin e sipërm të avionit, ndërsa më pas iu ofruan pije të ndryshme, pizhame luksoze, një set për kujdesin e lëkurës dhe kufje Band & Olufsen.
Influencuesi zgjodhi një menu luksoze, të shoqëruar me një gotë shampanjë Cristal me vlerë rreth 400 dollarë. Ai veçoi veçanërisht banjën, për të cilën tha se i jepte ndjesinë e një “spa-je me pesë yje në 38,000 metra lartësi”, si dhe shtratin, të cilin e përshkroi si “një shtrat të vërtetë me çarçafë luksozë, jastëkë dhe jorganë të rehatshëm, jo thjesht një ndenjëse të shtrirë”.
Megjithatë, reagimet në rrjet kanë qenë të ndara. Shumë komentues e cilësuan çmimin si të pajustifikueshëm. “14,000 dollarë për një biletë avioni, kjo është përtej arsyes”, shkroi një përdorues. Një tjetër komentoi me ironi: “Për atë çmim do të merrja gjithçka me vete, përfshirë televizorin”. Të tjerë vunë në dukje kontrastin me realitetin ekonomik të shumicës së njerëzve, duke theksuar se përvoja të tilla i përkasin një bote krejtësisht tjetër.
Videoja vazhdon të qarkullojë gjerësisht në YouTube, duke nxitur debat mbi luksin ekstrem në udhëtimet ajrore dhe vlerën reale të një eksperience të tillë.
Top Channel
