Historia e Punch, majmuni i vogël në një kopsht zoologjik në Japoni që po bën xhiron e rrjetit 21/02 09:21
Të paktën 10 persona u vranë dhe 50 të tjerë u plagosën në sulmet izraelite në Luginën Bekaa të Libanit, pasi ushtria izraelite tha se kishte shënjestruar pozicionet e Hezbollahut në zonën e Baalbek.
Sulmet ishin ndër më vdekjeprurëset në Libanin lindor në javët e fundit dhe kanë ngritur shqetësime në lidhje me fatin e një armëpushimi të brishtë midis Izraelit dhe Hezbollahut, i cili është akuzuar për shkelje.
Ushtria izraelite tha se kishte goditur qendrat e komandës së Hezbollahut në zonën e Baalbek të Luginës Bekaa të Libanit lindor.
Sipas raportimeve, një zyrtar i lartë i Hezbollahut është midis të vdekurve. Deri më tani, nuk ka pasur asnjë koment zyrtar nga organizata.
Ushtria izraelite njoftoi gjithashtu se kishte goditur një qendër komande të Hamasit në kampin e refugjatëve palestinezë Ain al-Hilueh, pranë Sidonit në Libanin jugor, duke vrarë dy persona.
🚨🇮🇱 BREAKING — Israel Attacked Lebanon Several Death Confirmed. pic.twitter.com/CBHxsW33P5
— ✦✦✦ 𝙿𝚊𝚖𝚙𝚑𝚕𝚎𝚝𝚜 ✦✦✦ (@PamphletsY) February 20, 2026
Hamasi e dënoi sulmin, duke hedhur poshtë pretendimet izraelite në lidhje me shënjestrën e operacionit dhe duke pretenduar se objekti i goditur i përkiste forcës së sigurisë së kampit.
Përshkallëzimi i ri rrit shqetësimet për destabilizim të mëtejshëm në rajon, në një kohë kur armëpushimi mbetet i brishtë dhe tensionet midis palëve të përfshira vazhdojnë.
Top Channel
