Skiatorja legjendare amerikane, Lindsey Vonn, ka njoftuar se ka përfunduar operacionin e saj të pestë pas rrëzimit të rëndë gjatë Lojërave Olimpike Dimërore Milano-Cortina 2026. Në një postim në rrjetin social X, Vonn shkruan.
“Vetëm një përditësim i shkurtër… operacioni im i fundit shkoi mirë. Zgjati pak më shumë se gjashtë orë. Po rikuperohem pas ndërhyrjes, por dhimbja është e vështirë për t’u përballuar. Po bëj përparime të ngadalta, por shpresoj të dal sa më shpejt nga spitali. Faleminderit të gjithëve për mbështetjen.”
Ky është operacioni i pestë që Vonn i nënshtrohet pas dëmtimit të rëndë që pësoi në garat olimpike, duke shfaqur sfidat dhe sakrificat që sportistët e nivelit të lartë përballojnë për t’u rikthyer në sport.
Top Channel
