I doli emri disa herë në dokumentet e dosjes Epstein, Bill Gates anulon pjesëmarrjen në samitin e AI në Indi 19/02 08:52
Shtetet e Bashkuara po vendosin një forcë të fuqishme detare dhe ajrore në Lindjen e Mesme, që mund të nënkuptojë përgatitjen e terrenit për një sulm në shkallë të gjerë ndaj Iranit.
Sipas raportimeve të CNN dhe CBS News, forcat e armatosura amerikane janë gati të fillojnë të godasin Iranin nga fundjava, nëse Donald Trump jep urdhër.
Presidenti amerikan, i cili kreu sulme ajrore ndaj Iranit në qershor 2025, nuk pushon së kërcënuari Teheranin se mund të fillojë ndërhyrje ushtarake nëse bisedimet në vazhdim nuk çojnë në një marrëveshje mbi programin e energjisë bërthamore të Republikës Islamike.
Ai tërhoqi Shtetet e Bashkuara nga marrëveshja ndërkombëtare e vitit 2015 mbi programin bërthamor të Iranit, zyrtarisht Plani i Përbashkët Gjithëpërfshirës i Veprimit (JCPOA), në vitin 2018 gjatë mandatit të tij të parë.
Prania e “kësaj lloj fuqie zjarri në rajon krijon vrull në vetvete. Ndonjëherë është pak e vështirë të frenosh dhe të thuash, ‘Kaq është, ne nuk po bëjmë asgjë'”, tha Susan Ziande, një analiste në Qendrën Amerikane për Studime Strategjike dhe Ndërkombëtare (CSIS).
Uashingtoni vazhdon të dërgojë dhjetëra anije luftarake dhe avionë ushtarakë në Lindjen e Mesme.
Tani ka vendosur dhjetëra mijëra trupa në baza në të gjithë rajonin, disa prej të cilave mund të jenë të arritshme nga forcat iraniane.
Top Channel
