Çështja ‘Epstein’/ Akuzat ndaj Dukës Andrew, kryeministri britanik: Askush nuk është mbi ligjin 19/02 09:38
Udhëheqësi i Koresë së Veriut Kim Jong Un ka mbikëqyrur prezantimin zyrtar të një rakete vetëlëvizëse goditëse të aftë për të mbajtur koka bërthamore, raportuan mediat shtetërore të mërkurën.
Gjatë një ceremonie të mërkurën, Kim mbajti një fjalim duke lavdëruar raketën e re shumëfishe 600 milimetërshe, të cilën e përshkroi si më uniken në botë. Është “i përshtatshëm për sulme speciale, pra për kryerjen e një misioni strategjik”, tha agjencia zyrtare e lajmeve KCNA.
Ai theksoi se sistemi i ri i armëve është menduar për një rol “parandalues” dhe siguroi se është “i pamposhtur”.
“Nëse kjo armë përdoret, askush nuk mund të presë që Zoti ta mbrojë atë”, tha ai, sipas tekstit të fjalimit të tij, të transmetuar nga KCNA.
Ekspertët besojnë se mund të përdoret kundër Koresë së Jugut, veçanërisht kryeqytetit të Seulit, i cili është më pak se pesëdhjetë kilometra larg kufirit.
Analistët besojnë se inovacioni synon të rrisë aftësinë e Koresë së Veriut për të kryer sulme precize, duke paraqitur një sfidë si për Korenë e Jugut ashtu edhe për SHBA-në. Vlerësohet se testet do të pasojnë përpara se sistemi i armëve të eksportohet potencialisht në Rusi, me të cilën Pheniani ka intensifikuar bashkëpunimin, duke dërguar trupa në territorin rus për luftën me Ukrainën.
Top Channel
