Top Story/ Maks Haxhia flet për përgjimet e Agasit: Çfarë ka se takoi deputetë e ministra, SPAK po bën politikë? 18/02 23:06
AKSHI ka qenë një ndër institucionet më të diskutuara së fundmi në Shqipëri pas hetimeve të SPAK lidhur me procedurat e tenderave.
Në studion e Top Story, avokati Maks Haxhia tha se sulmi që po i bëhet këtij institucioni do të ketë pasoja për vetë AKSHI-n. Sipas tij, vitin e kaluar nuk u implementuan 500 milionë euro nga buxheti për shkak të situatës.
“Sulmi që i bëhet këtij institucioni, nuk marr përsipër të them ka apo nuk ka probleme ligjore, kjo do të ketë pasoja për vetë AKSHI-n dhe për atë që ndihmon dhe kontribuon në publik për zgjidhjen e problemeve.
Kjo sepse vetëm vitin e kaluar nuk u implementuan 500 milionë euro nga buxheti, se “s’do marrë njeri tendera”, gjë që e çon në kolaps financën.
Prandaj SPAK duhet të jetë i kujdesshëm që të ketë parasysh jo vetëm ushtrimin e ndjekjes penale, por të mos dëmtojë veprimtarinë e institucionit, të mos hedhë në publik gjëra që sot po konstatojmë se janë të pabazuara” – u shpreh avokati.
Top Channel
