Anastasia Kucherova, një arkitekte ruse që jeton në Milano, ka zbuluar se ishte ajo që udhëhoqi ekipin ukrainas gjatë Ceremonisë së Hapjes së Lojërave Olimpike të Dimrit, duke mbajtur parullën që përfaqësonte atletët ukrainas në stadiumin e famshëm San Siro.
Këtë ajo e bëri publike për ndjekësit e saj në Instagram dhe në një intervistë për Associated Press: “Kur ecën pranë këtyre njerëzve, kupton se ata kanë çdo të drejtë njerëzor për të ndjerë urrejtje ndaj çdo rusi,” ka thënë Kucherova për AP. “Ende, mendoj se është e rëndësishme të bësh një veprim të vogël për t’u treguar se ndoshta nuk janë të gjithë të mendimit të njëjtë.”
Në intervistë, Kucherova theksoi se ky akt i vogël ishte gjithashtu një mënyrë për të kujtuar botën se lufta ende vazhdon, megjithëse jeta vazhdon në vende të tjera. “Ukrainasit nuk kanë mundësi të shmangin këto mendime ose të injorojnë ekzistencën e luftës. Ky është realiteti i tyre. Ata vazhdojnë të duan njëri-tjetrin, të martohen, të bëjnë sport, të shkojnë në Olimpiadë, por të gjitha këto po ndodhin me pasoja shkatërruese nga pas”.
Top Channel
