Kupa e Anglisë, Arsenal nuk gabon, shkatërron Wigan, kalon në raundin e 5
15/02/2026 19:40
Kaosi te Olympique Marseille, Mehdi Benatia dorëhiqet si Drejtor Sportiv 15/02 21:24
Arsenali kualifikohet me shumë lehtësi në raundin e pestë të Kupës së Anglisë. Skuadra e drejtuar nga Mikel Arteta shkatërroi Wigan me rezultatin 4-0 për të vijuar rrugëtimin në këtë kompeticion.
Topçinjtë e Londrës e zgjidhën këtë ndeshje që në 45 minutat e para kur shënuan të katërt golat e saj. Vetëm 11 minuta i mjaftuan Arsenalit për të marrë avantazhin 1-0 në rezultat me golin e Maduekes dhe pas këtij momenti Topcinjtë nuk kishin të ndalur. Në minutën e 19 erdhi edhe goli i dytë ne Martinellin që e çoi rezultatin në 2-0.
Pa u shuar mirë festa rezultati shkoi në 3-0 pas një autogoli të shënuar nga Hunt në minutën e 23. Vuajtjet për Wigan nuk kishin të përfunduar pasi në minutën e 27 Arsenali shënoi edhe golin e 4-t më Gabriel Jesus për të cuar rezultatin në 4-0.
Në pjesën e dytë historitë e kësaj ndeshjeje nuk ndryshuan më me Arsenalin që arriti të fitojë 4-0 duke u kualifikuar për në raundin e pestë të Kupës së Anglisë
Top Channel
