“Bashkohuni me vizonin e presidentit Trump”, Rubio: Duam një Europë të fortë, jo një shërbëtore të SHBA-së 15/02 22:59
Presidenti amerikan Donald Trump i tha kryeministrit izraelit Benjamin Netanyahu gjatë takimit të tyre në Florida në dhjetor se do të mbështeste sulmet izraelite ndaj programit të raketave balistike të Iranit nëse SHBA-të dhe Irani nuk mund të arrijnë një marrëveshje, raportoi të hënën CBS News, duke cituar dy burime të informuara rreth çështjes.
Kryeministri izraelit Benjamin Netanyahu tha se çdo marrëveshje midis Shteteve të Bashkuara dhe Iranit do të duhej të përfshinte “shkatërrimin” e kapacitetit të pasurimit të uraniumit të Republikës Islamike.
“Kushti i parë për një marrëveshje është që i gjithë materiali i pasuruar duhet të largohet nga Irani”, tha Netanyahu, duke iu referuar takimit të tij këtë javë me Presidentin amerikan Donald Trump në Uashington, përpara Konferencës së Presidentëve të Organizatave Hebraike Amerikane në Jerusalem.
“Kushti i dytë është që nuk duhet të ketë kapacitet pasurimi, nuk ka të bëjë vetëm me ndalimin e procesit të pasurimit, por me çmontimin e pajisjeve dhe infrastrukturës që lejon pasurimin e uraniumit”, shtoi Netanyahu.
Kryeministri konfirmoi se po bën thirrje për një marrëveshje mbi programin e raketave balistike të Iranit, si dhe “çmontimin e boshtit të terrorizmit që ndërtoi Irani”, duke iu referuar grupeve të armatosura në Lindjen e Mesme të mbështetura nga Teherani, siç janë Huthit në Jemen, Hezbollahu në Liban dhe Hamasi islamist palestinez.
“Duhet të ketë inspektime të vërteta, inspektime kuptimplote, jo inspektime pas një paralajmërimi, por inspektime efektive mbi gjithçka”, tha ai.
“Këto janë elementët që ne i konsiderojmë të rëndësishëm për zbatimin e marrëveshjes”, u shpreh Netanyahu.
Ministri i Jashtëm iranian Abbas Araghchi u nis sot për në Gjenevë, ku pritet të zhvillohet një raund i ri negociatash mbi programin bërthamor të Iranit me Shtetet e Bashkuara, siç tha ministria e tij. Shtetet e Bashkuara dhe Irani rifilluan bisedimet më 6 shkurt në Oman, një veprim i mirëpritur nga të dyja palët, të cilat kishin thënë se donin t’i vazhdonin ato.
Kjo seancë është e para që kur negociatat e mëparshme u pezulluan në qershor për shkak të luftës 12-ditore midis Iranit dhe Izraelit, e cila filloi me sulme izraelite në objektet bërthamore dhe ushtarake iraniane.
Top Channel
