Eljon Metaj, 16 vjeç, është shqiptari që ndërroi jetë dje në një aksident automobilistik në Greqi.
Metaj ndërroi jetë dhe dy të tjerë u plagosën dhe ndodhen në gjendje të rënde pas një aksidenti të ndodhur mbrëmjen e së premtes në rrugën ” Dhimokratias” në zonën Luca në periferinë e Athinës, raporton korrespondenti i Top Channel në Greqi Artur Bibe.
Sipas informacioneve të para, njëri prej adoleshentëve mori nga çanta çelësat e automjetit të nënës dhe në vazhdim së bashku me dy shokët e tij, ku u aksidentuan në rrugët e zonës.
Në rrethana që ende nuk dihen, automjeti që po lëvizte me shpejtësi tej normave, doli nga rruga dhe u përplas me një pemë, duke lënë të vdekur në vend njërin prej tre të miturve ndërsa drejtuesi i automjetit dhe njëri prej adoleshentëve u dërguan në spital jashtë rrezikut për jetën.
Ende nuk dihen rrethanat e ngjarjes, por policia njoftoi se ka ndaluar në spital drejtuesin e automjetit si dhe prindërit e tij, ndërsa trupi i viktimës u dërgua në morg.
Hetimet po kryhen prej policisë rrugore të drejtorisë së policisë së Athinës.
Top Channel
