Bayerni i përgjigjet Dortmundit, fitore e pastër ndaj Werder Bremen
14/02/2026 19:31
Borussia Dortmund nuk përmbahet, shkatërron Mainzin dhe i jep mesazh Atalantës 13/02 23:11
Bayerni i Mynihut i përgjigjet suksesit të Borussia Dortmund. Skuadra kampione e Gjermanisë mori një fitore të pastër në transferte duke mundur Ëerder Bremen me rezultatin 3-0 për të kthyer diferëncën prej 6 pikësh me verdhezinjtë që janë ndjekësit e tij më të afërt.
Ishte një ndeshje, fatin e së cilës skuadra e drejtuar nga Vincent Kompany e përcaktoi që në pjesën e parë të cilën e mbylli me avantazhin 2-0. Harry Kane ishte autori i të dy golave në këtë pjesë të parë që shënoi fillimisht me penallti në minutën e 22 dhe më pas në të 25 e coi rezultatin 2-0.
Në pjesën e dytë la gjurmën e tij edhe Leon Goretzka që fiksoi fitoren 3-0 të Bayernit të Mynihut që shkon në kuotën e 57 pikëve, ndërsa Werder Bremen mbetet me 19 pikë.
Në ndeshjet e tjera të Bundesligës, Bayer Leverkusen shkatërroi St.Pauli 4-0, Eintracht fitoi me Borussia Moenchengladbach 3-0, Hamburg mundi Union Berlin, ndërsa Hoffenheim mposhti Freiburg 3-0.
Top Channel
