Fermerët grekë i drejtohen Athinës, zhvendosin protestat e tyre bujqësore në sheshin Sintagma 13/02 20:43
Numri i viktimave nga cikloni ‘Gezani’ në Madagaskar ka arritur në të paktën 40 persona, tre ditë pasi stuhia me erëra që shkuan deri në 250 km/orë goditi ishullin dhe përshkoi qytetin Toamasina, të dytin për nga madhësia në vend.
Sipas autoriteteve, furnizimi me ujë në Toamasina është ndërprerë, ndërsa energjia elektrike funksionon në nivele minimale, duke lënë një pjesë të qytetit në errësirë.
Drejtoresha e World Food Programme në Madagaskar, Tania Goossens, deklaroi gjatë një konference për shtyp se qyteti po operon me vetëm rreth 5% të furnizimit me energji dhe pa ujë të pijshëm. Ajo shtoi se një nga depot e agjencisë së OKB-së është shkatërruar plotësisht, në një moment kur nevoja për ndihma humanitare është kritike.
Dëmtimet e mëdha në infrastrukturë, pemë të shkulura, çati metalike të shpërndara dhe rrugë të bllokuara po e vështirësojnë ndjeshëm operacionet e ndihmës. Sipas organizatave në terren, shumë zona mbeten të paarritshme për shkak të urave të shembura dhe rrugëve të dëmtuara.
Situata paraqitet edhe më e rëndë në zonat rurale përreth Toamasinës, ku dëmet përshkruhen si apokaliptike.
Në përpjekje për të përballuar emergjencën, Kina ka ofruar rreth 12 milionë euro ndihmë financiare për Madagaskarin. Ndërkohë, Franca ka dërguar furnizime emergjente, ekipe shpëtimi dhe zjarrfikës nga ishulli La Réunion, që ndodhet rreth 1,000 kilometra larg.
Autoritetet paralajmërojnë se bilanci i viktimave mund të rritet, ndërsa operacionet e kërkim-shpëtimit vazhdojnë në kushte të vështira.
#Madagascar
So far, 400,000+ lives affected by cyclones in the last 2 weeks🌪️#UNHAS is in the skies over Madagascar, facilitating rapid aerial assessments to ensure help reaches those most in need.We stand with the Malagasy people🤝🚁#CycloneGezani @PamMadagascar @UNOCHA pic.twitter.com/muupusbCYH
— UN Humanitarian Air Service (@WFP_UNHAS) February 13, 2026
Top Channel
