Vllaznia ka shënuar një tjetër fitore të rëndësishme në rrugën drejt titullit, duke mundur Vorën 1-0 në fushën e kësaj të fundit, në ndeshjen e vlefshme për kampionatin.
Kjo është e pesta fitore radhazi për shkodranët, të cilët kanë vazhduar formën e shkëlqyer në këtë pjesë të sezonit.
Goli i vetëm i ndeshjes erdhi në minutën e 45’+1′, nga një tjetër realizim i sulmuesit të zakonshëm Kallaku, i cili ka qenë një faktor kyç në fazën ofensive të skuadrës. Pas golit, Vllaznia preferoi të menaxhonte rezultatin, duke ruajtur një kontroll të plotë mbi lojën, ndërkohë që Vora u mundua në disa raste të barazonte, por pa mundur të realizonte.
Me këtë fitore, Vllaznia ruan pozitat e para dhe vazhdon të shkëputet nga rivalët, ndërsa Vora duhet të shqetësohet për vendin e saj në renditje, pasi skuadrat që ndodhen pas mund t’i rrezikojnë mbijetesën.
REZULTATI:
Vllaznia 1-0 Vora
45’+1′ Kallaku
Top Channel
