Ndeshja mes Bylisit dhe Partizanit ka prodhuar emocione të mëdha dhe ka mbajtur tifozët në ankth deri në minutat e fundit.
Fillimi i takimit ishte i ngjeshur me raste të pastra për të dyja ekipet dhe pretendime për penallti, ndërsa Bylisi kaloi në avantazh në minutën e 29-të me golin e Sandeu.
Megjithatë, Partizani i Kërnajës nuk u dorëzua dhe arriti të përmbyste rezultatin në minutat e fundit të ndeshjes. Toma barazoi shifrat në minutën e 81, ndërsa Human shënoi golin e fitores në minutën e 90+1.
Me këtë fitore, Partizani arrin në 30 pikë dhe qëndron 4 pikë pas Dinamos, e cila do të luajë nesër derbin me Tiranën. Bylisi, i drejtuar nga Mirel Josa, mban vendin e tetë në renditje me 22 pikë, të njëjtat pikë sa Tirana, ndërsa Flamurtari është në vendin e fundit me 21 pikë dhe do të përballet me Egnatian në javën e 23-të të Superiores.
REZULTATI:
Bylis 1-2 Partizani
Sandeu 30’ / Toma 81’, Human 90+1’
Top Channel
