Egnatia ka gjetur fitoren e parë në kampionat për këtë vit, duke lënë pas momentin e vështirë të rezultateve.
Skuadra rrogozhinase doli fituese nga përballja me Flamurtarin, të cilin e mposhti 1-0, një sukses që e mban në ritmin e skuadrave kryesuese.
Sfida u zhvillua me një Flamurtar më kërkues në lojë, por Egnatia tregoi konkretësi në momentin vendimtar. Bakajoko shënoi golin e vetëm të takimit në fillimin e pjesës së dytë, ndërsa më pas miqtë u përqendruan në ruajtjen e avantazhit. Vlonjatët provuan të reagojnë dhe krijuan disa raste të pastra, por gjetën përballë një Dajsinani në superformë, i cili me pritjet e tij vendimtare siguroi që rezultati të mos ndryshonte.
Në fund, tre pikë të arta për Egnatian, që i japin qetësi dhe besim për vazhdimësinë e sezonit.
FLAMURTARI 0-1 EGNATIA
47′ Bakayoko
Top Channel
