Erdogan i dhuron Abdel Fattah al-Sisi një makinë elektrike turke Togg, momenti i veçantë kur dy presidentët shëtisin në Kajro 05/02 19:18
Të paktën 16 persona kanë humbur jetën dhe shumë të tjerë mund të jenë bllokuar pas një shpërthimi në një minierë të paligjshme qymyri në shtetin verilindor indian të Meghalaya.
Ngjarja ndodhi rreth orës 10:00 të mëngjesit sipas orës lokale, në një minierë të njohur si “minierë me vrimë miu”, për shkak të tunelit të ngushtë ku punëtorët kalonin me vështirësi. Miniera ndodhet në zonën e kodrave East Jaintia, njoftoi zëvendësdrejtori i policisë, Manish Kumar.
Miniera të tilla ishin shumë të zakonshme në shtetet verilindore të Indisë, por u ndaluan në vitin 2014 për shkak të aksidenteve të shumta dhe dëmeve mjedisore që shkaktonin.
#BreakingNews Meghalaya Coal Mine Blast Kills 16 Workers, Rescue Operation Ongoing
A major accident occurred in a coal mine in East Jaintia Hills district of Meghalaya on Thursday. A powerful blast inside the mine killed 16 workers.
After receiving information, local police,… pic.twitter.com/LWQ6RIEtUu— Manmeen Walia (@ManmeenWalia) February 5, 2026
Policia lokale ka nisur operacionet e shpëtimit, por përpjekjet po pengohen nga mungesa e pajisjeve të duhura dhe nga vështirësia e arritjes në këtë zonë të largët. Përveç 16 të vdekurve, tetë punëtorë të tjerë u plagosën, sipas autoriteteve.
Drejtuesi lokal, Conrad Sangma, njoftoi në platformën X se qeveria e Meghalaya ka urdhëruar një hetim të plotë për aksidentin dhe se ata që janë përgjegjës do të mbajnë përgjegjësi.
Qeveria federale vlerëson se nga viti 2012, një total prej 63 personash kanë humbur jetën në aksidente të ngjashme në miniera të paligjshme në shtetet e Assamit dhe Meghalajës.
Top Channel
