Biseda telefonike mes Donald Trump dhe Xi Jinping, lideri kinez: Çështja më e rëndësishme që u diskutua ishte ajo e Tajvanit 05/02 08:52
Përafërsisht 700 agjentë të Shërbimit të Kontrollit të Emigracionit të Shteteve të Bashkuara (ICE) do të largohen nga Minneapolis në orët e ardhshme, pas një operacioni masiv që ka zgjatur për një muaj dhe ka rezultuar në vdekjen e dy personave.
Lajmin e bëri të ditur Drejtori i Kontrollit Federal të Kufijve, Tom Homan, i cili gjithashtu është shefi i ri i ICE-së.
Përkundër largimit të një pjese të agjentëve, rreth 2,000 të tjerë do të vazhdojnë të qëndrojnë në Minneapolis, ku kanë realizuar operacione të shumta kundër imigracionit.
Homan theksoi se misioni i agjencisë nuk do të ndalet, duke deklaruar: “Misioni vazhdon. Ne duam ta bëjmë operacionin tonë më efikas dhe më të zgjuar. Nuk do të dorëzohemi.”
Drejtori i ICE-së gjithashtu nënvizoi se forcat e sigurisë po vazhdojnë të përmbushin misionin e presidentit për deportimin masiv të personave që ndodhen ilegalisht në SHBA. “Nëse jeni në vend ilegalisht, ne do t’ju gjejmë dhe do t’ju deportojmë,” tha Homan.
Operacionet masive kundër imigracionit kanë shkaktuar tensione dhe debate në SHBA, ndërsa kritikat për përdorimin e forcës dhe pasojat ndaj individëve që janë në situatë të pasigurt ligjore janë rritur.
Top Channel
