300 shkolla pa shërbim psiko-social/ 93 mijë nxënës pa mbështetje, në shumë shkolla nuk ka psikologë
31/01 12:40
Një e treta e fëmijëve britanikë që nisin arsimin fillor ngatërrojnë faqet e librave me ekranet e telefonave, duke pasur vështirësi në përdorimin e tyre.
Ky studim i huaj gjen vend edhe në Shqipëri, ku profesionistët vënë re raste të ngjashme të nxënësve që shpenzojnë kohë të ekzagjeruar në pajisje teknologjike duke I shkëputur nga realiteti.
“Shumë fëmijë njohin më mirë IPAD-in apo telefonin sesa njohin librin fizik. Shpeshherë kemi raste që fëmijët shpenzojnë mbi 6-8 orë në ekrane. Një nga gjërat që ne testojmë është nëse arrin të shfletojë librin, e nuk e bëjnë, veprojnë vetëm me scroll. Dhe kjo nuk është vetëm në aspektin e njohjes, por edhe në atë motorik të lëvizshmërisë të duarve, ka fëmijë që nuk dinë të mbajnë lapsin”, u shpreh logopedja Antigoni Bullari.
Logopede Antigoni Bullari tregon se një projekt pilotimi ka nisur në cerdhe në Shqipëri me të vegjlit nga 16 deri 30 muaj për të zbuluar orën e qëndrimit para ekraneve, ndërsa udhëzuesit botërorë tregojnë për të ndalur ekspozimin e tepërt digjital pasi po sjell pasoja të rënda në zhvillimin dhe socializimin e fëmijëve, duke krijuar një krizë në institucionet arsimore.
“Sipas Akademikë Pediatrike të SHBA koha e ekspozimit të ekraneve para moshës 2 vjeç duhet të jetë zero, ndërsa për fëmijët 2-5 vjeç koha duhet nga 30 minuta deri në 1 orë. Ekspozimi më shumë edhe para moshës së rekomanduar ka ndikuar negativisht edhe në zhvillimin e trurit që jep problematika në moshë shkollore që ndikojnë në përqendrim apo zhvillimin gjuhësor”, tha ajo.
Me rëndësi, logopedët vlerësojnë ndërveprimin e prindërve me fëmijët të paktën 1 orë në ditë, për të nxitur komunikimin dhe rekomandojnë që koha e kaluar para ekraneve të jetë në mënyrë të vlefshme për të shtuar dijet.
Top Channel
