104 persona në bord, avioni ushtarak i Katarit përplaset me dritat e aeroportit në Milano 28/01 18:52
Vladimir Putin u takua me Presidentin sirian Ahmed al-Sarrah në Moskë, ndërsa presidenti rus kërkon të forcojë praninë e Rusisë në vend dhe të sigurojë bazat ushtarake ruse një vit pas rrëzimit të Bashar al-Assad.
Në një konferencë për shtyp para takimit, Ahmed al-Sarra falënderoi Vladimir Putinin për mbështetjen e tij për unitetin e Sirisë dhe për rolin “historik” që Rusia ka luajtur në “stabilitetin e rajonit”.
Presidenti rus shprehu mbështetjen e tij për përpjekjet e al-Sarrah për të stabilizuar Sirinë dhe e përgëzoi atë për progresin që ka bërë drejt “rivendosjes së integritetit territorial” të vendit të tij.
Ahmed al-Sarra ishte në anën kundërshtare që rrëzoi nga pushteti aleatin e Moskës, ish-presidentin Bashar al-Assad, i cili është strehuar në kryeqytetin rus. Pra, ka shqetësime të forta në Rusi në lidhje me të ardhmen e bazave ushtarake ruse në Siri dhe praninë ruse në vend.
Përpara bisedimeve, zëdhënësi i Kremlinit, Dmitry Peskov, tha se ata do të diskutojnë “praninë e trupave tona në Siri”. Trupat ruse janë aktualisht të stacionuara në bazën ajrore Khmeimim dhe në bazën detare Tartus.
Më herët këtë javë, Rusia thuhet se tërhoqi forcat e saj nga aeroporti i Qamishli-t në verilindje të Sirisë.
Moska ishte e shqetësuar për mundësinë e shfaqjes së një qeverie “populiste anti-ruse” në Damask kur Bashar al-Assad u rrëzua, tha për Al Jazeera Samuel Ramani, një bashkëpunëtor në organizatën kërkimore RUSI me seli në Londër.
Ai shpjegoi se fillimisht rusët kishin frikë se presidenti sirian do t’i dëbonte nga vendi, por u “surprizuan këndshëm” kur zbuluan se pavarësisht përkeqësimit, marrëdhëniet e tyre me Damaskun ishin ruajtur.
Sipas Samuel Ramanit, presidenti sirian ka ndjekur një qasje pragmatike dhe kërkon të ketë marrëdhënie me fuqitë jashtë Lindjes së Mesme, si kundërpeshë ndaj trazirave të mundshme politike në Shtetet e Bashkuara.
“Republikanët janë të butë ndaj Sirisë në lidhje me bashkëpunimin e saj me Rusinë, për sa kohë që ajo e mban Iranin jashtë, ndërsa demokratët janë përgjithësisht më të kujdesshëm dhe dëshirojnë të lëvizin më ngadalë në heqjen e sanksioneve dhe çështje të tjera”, vuri në dukje analisti.
“Al-Sara gjithashtu ka nevojë për Rusinë, dhe kjo është arsyeja pse ai po punon me të”, tha Samuel Ramani.
Top Channel
