Po protestoni para hotelit ku qëndronte komandanti i ICE-së, 26 persona bien në pranga nga policia e Minneapolit 27/01 18:16
Një ngjarje e rëndë ka ndodhur të hënën e 26 janarit në Milano, ku një oficer policie qëlloi dhe vrau 28-vjeçarin afrikano-verior Abderraim Mansouri, i dyshuar për trafik droge.
Oficeri ka dhënë versionin e tij gjatë marrjes në pyetje, duke thënë se ai dhe një koleg ishin angazhuar në një operacion për kontrollin e drogës në lagjen Rogoredo, kur ndaluan 28-vjeçarin, i cili mbante drogë.
Sipas oficerit, ai i tha Mansourit të ndalonte, por ai iu afrua dhe nxori një armë, e cila më vonë rezultoi të ishte një replikë bosh, duke e drejtuar atë në drejtim të policit.
I frikësuar, oficeri ka qëlluar për t’u mbrojtur, duke e goditur viktimën në ballë. Mansouri ka rënë në tokë pa jetë, ndërkohë që ekipi i emergjencës që mbërriti menjëherë mundi vetëm ta shpallte të vdekur.
Oficeri, i cili po hetohet për vrasje me dashje, ka mbrojtur veprimin e tij, duke e cilësuar si një reagim të mbrojtjes personale. Avokati i tij, Pietro Porciani, ka argumentuar se, nëse nuk aplikohet kriteri i vetëmbrojtjes në këtë rast, atëherë nuk mund të aplikohet kurrë. Prokuroria e Milanos ka urdhëruar një autopsi mbi trupin e Mansourit dhe është duke zhvilluar hetime të mëtejshme, duke përfshirë teste balistike për të rindërtuar trajektoren e plumbit dhe dinamikën e ngjarjes.
Sipas hetimeve, Mansouri besohet të ishte një nga liderët e një grupi të trafikantëve të drogës që vepronin në Milano. Ai kishte një rekord të mëparshëm kriminal për trafik droge dhe nuk kishte aplikuar për leje qëndrimi në Itali. Disa kontrolle të mëparshme të oficerëve të të njëjtës stacion policie kishin rezultuar në raportime për trafik droge dhe pranim mallrash të vjedhura.
Një aspekt tjetër i shqetësimit është fakti se arma që u gjet te Mansouri ishte një replikë shumë e ngjashme me një armë të vërtetë, ndërsa asnjë nga oficerët e përfshirë në ngjarje nuk kishte kamera trupi për të regjistruar veprimet e tyre.
Në nivel politik, vdekja e Mansourit ka nxitur debate. Udhëheqësi i Lidhjes, Matteo Salvini, ka mbështetur plotësisht forcat e rendit, duke thënë se ai qëndron me policinë “pa “nëse” ose “por””. Nga ana tjetër, Ministri i Brendshëm Matteo Piantedosi ka kërkuar një hetim të plotë dhe ka theksuar se asnjë oficer nuk do të gëzojë imunitet. Lëvizja Pesë Yje dhe përfaqësues të qendrës së majtë kanë shfaqur qëndrime më të maturuara, duke theksuar nevojën për një hetim të drejtë dhe pa supozime të shpejta për fajësinë.
Ky incident po vazhdon të shqetësojë opinionin publik dhe përbën një rast të rëndësishëm për të shqyrtuar kufijtë e veprimit të policisë dhe të drejtat e individëve në situata të tilla.
Top Channel
