Kryebashkiaku i Minneapolis njofton se agjentët federalë do të largohen brenda ditës, vendimi për tërheqjen e tyre pas vrasjes së Alex Pretty

Kryetari i bashkisë së Minneapolis, Jacob Frey, njoftoi tërheqjen e “disa” agjentëve federalë nga qyteti, të cilët ishin vendosur nga administrata e Presidentit Donald Trump si pjesë e një operacioni kundër imigracionit të paligjshëm.

“Disa agjentë federalë do të largohen nga zona nesër dhe unë do të vazhdoj të luftoj për të larguar pjesën tjetër të (agjentëve) të përfshirë në këtë operacion”, tha përfaqësuesi demokrat Jacob Frey nëpërmjet X.

I spoke with President Trump today and appreciated the conversation. I expressed how much Minneapolis has benefited from our immigrant communities and was clear that my main ask is that Operation Metro Surge needs to end. The president agreed the present situation can’t continue.

— Mayor Jacob Frey (@MayorFrey) January 26, 2026

Ky vendim vjen pas polemikave të forta dhe kërkesave shoqërore e politike për tërheqjen e forcave federale, të cilat akuzohen për dhunë të tepruar.

Vrasja e Alex Pretty dhe reagimet

Alex Pretty, 37 vjeç, një shtetas amerikan, u qëllua për vdekje nga agjentët e Patrullës Kufitare gjatë një përleshjeje në Minneapolis të shtunën. Agjentët federalë thanë se Pretty iu afrua oficerëve që mbanin një “pistoletë gjysmë-automatike” dhe reagoi dhunshëm.Megjithatë, videot tregojnë se Pretty mbante telefonin e tij celular dhe jo një armë, duke hedhur dyshime mbi versionin e autoriteteve.

Vrasja e Pretty-t dhe reagimi që pasoi kanë tronditur Minneapolis dhe të gjithë vendin. Presidenti Trump, i cili fillimisht mbështeti praninë federale në Minneapolis, më vonë bëri thirrje për t’i dhënë fund dhunës në Minesota , duke iu përgjigjur presionit në rritje të publikut.

Tensionet mbeten të larta dhe politikat e tij mbi imigracionin e paligjshëm janë kritikuar ashpër.

Top Channel