Video/ Tallja e Starmer ndaj Macron: Ai mbante syze të errëta dhe fliste frëngjisht 27/01 10:19
Ish-kandidati presidencial i El Salvadorit, Norman Quijano, i cili u dënua me 13 vjet burg për dhënie ryshfeti bandave, mbërriti në vendin e Amerikës Qendrore të hënën për të filluar vuajtjen e dënimit të tij pasi u ekstradua nga autoritetet amerikane, thanë prokurorët.
Norman Quijano, 79 vjeç, u dënua në mungesë në prill 2024 në gjyq me akuzat se u dha 100,000 dollarë bandave për të blerë vota.
Në atë kohë, kryebashkiak i kryeqytetit San Salvador, ai kishte kandiduar pa sukses në zgjedhjet presidenciale të vitit 2014 nën Aleancën Nacionaliste Demokratike (ARENA, djathtas). Më vonë ai u bë president i Kongresit.
Pasi humbi imunitetin e tij ligjor në vitin 2021, gjyqësori e akuzoi atë se i kishte paguar 50,000 dollarë bandës Mara Salvatrucha (MS-13) dhe 25,000 dollarë secilit prej dy fraksioneve të Barrio 18. Të dyja bandat janë shpallur organizata “terroriste” nga qeveria aktuale e SHBA-së. Sipas raportimeve të shtypit, z. Quijano u arrestua në mars të vitit 2025 në SHBA, ku ishte arratisur.
Este día, hemos recibido a Norman Quijano por parte de las autoridades de Estados Unidos. En este momento, se le notificará formalmente su condena por los delitos de agrupaciones ilícitas y fraude electoral.
El 3 de noviembre de 2021, la @FGR_SV solicitó a la Asamblea… pic.twitter.com/HnYg6xx754
— Fiscalía General de la República El Salvador (@FGR_SV) January 27, 2026
Prokuroria publikoi dje një video nëpërmjet X, ku e tregon atë të shoqëruar nga agjentë amerikanë ndërsa transportohet me aeroplan për në El Salvador, pastaj i prangosur në një automjet policie, pasi i është dorëzuar njoftimi për dënimin e tij.
Ky është një “mesazh për të gjithë ata që po përpiqen t’i shpëtojnë drejtësisë”, tha Presidenti Nayib Bukele nëpërmjet X , duke iu referuar njeriut i cili, si president i Kongresit në atë kohë, i dorëzoi atij shiritin presidencial në vitin 2019.
Ka pasur gjithashtu akuza për marrëveshje të dyshuara me bandat e bëra nga anëtarët e qeverisë së Bukeles – dhe në emër të tij – por kreu i shtetit i mohon kategorikisht ato.
Që nga marsi i vitit 2022, Presidenti Nayib Bukele ka zhvilluar një “luftë” kundër bandave, duke shpallur një gjendje të jashtëzakonshme, e cila lejon arrestimet pa urdhër-arreste në veçanti. Më shumë se 90,000 njerëz janë arrestuar që atëherë, nga të cilët 8,000 janë liruar pasi u vërtetua pafajësia e tyre, sipas të dhënave zyrtare.
Kjo “luftë” e ka ulur krimin në nivele historike në vend, por shumë raportojnë arrestime arbitrare dhe tortura në burgje , ndër shkelje të tjera të të drejtave të njeriut. Sipas organizatës së të drejtave të njeriut Socorro Jurídico Humanitario, të paktën 470 njerëz kanë vdekur në burgje që kur u vendos gjendja e jashtëzakonshme.
Top Channel
