Italia mbetet në vendin e pestë në renditjen e UEFA për kombëtare për sezonin 2025/26, klasifikim që jep mundësinë edhe për të pasur një skuadër të pestë në sezonin e ardhshëm të Ligës së Kampioneve për dy Ligat që do të mbyllin klasifikimin në dy vendet e para në fund të sezonit.
Në pritje të ndeshjeve të Europa League, dy ditët e Ligës së Kampioneve nuk i kanë dhënë gëzime Serisë A, ku vetëm Juventus fitoi ndeshjen e saj, Napoli barazoi dhe Interi e Atalanta humbën. Është pikërisht humbja e bergamaskëve që mban Spanjën përpara Italisë, por problemi i vërtetë është se edhe Anglia e Gjermania kanë fituar terren.
Renditja e UEFA 2025/26 klasifikimi. 1) Anglia 16.152 pikë; 2) Polonia 13.625; 3) Gjermania 13.285; 4) Spanja 12.937; 5) Italia 12.178; 6) Qipro 11.406; 7) Franca 10.928; 8) Greqia 9.900.
Si funksionon renditja e UEFA. Pikët sezonale të çdo kombi përllogariten duke mbledhur rezultatet e skuadrave në kupat evropiane(2 pikë për fitoret, 1 për barazimin plus bonuset) dhe duke i përpjestuar me numrin e klubeve pjesëmarrëse. Steka është shumë lart; dy kombet e para në renditje në fundin e sezonit do të fitojnë një vend shtesë në edicionin e ardhshëm në Ligën e Kampioneve.
Renditja UEFA, si funksionojnë pikët. Pikët nuk vendosen vetëm nga rezulatet e ndeshjeve, por përfshijnë edhe bonuse specifike për pjesëmarrjen në Ligën e Kampioneve, pozicionimin në grup dhe kalimin në raundet me eliminim direkt. Koefiçienti përfundimtar i çdo kombi është një mesatare që përllogaritet duke përpjestuar pikët e grumbulluara nga të gjitha skuadrat me numrin efektiv të pjesëmarrëve në kompeticionet evropiane.
Top Channel
