FOTOT/ Seanca për Bordin e Paqes, Paloka e Boçi i afrohen Ramës në foltore. Kryeministri përshëndet opozitën me dy gishta. Çfarë nuk u pa 22/01 14:00
Është miratuar me 13 vota pro projektligji për Bordin e Paqes, në Komisionin e Jashtëm të Kuvendit.
E pranishme në komision, ministrja për Europën dhe Punët e Jashtme, Elisa Spiropali tha se ky projektligj është në përputhje me dispozitat e kushtetutës së Republikës së Shqipërisë dhe me ligjin për marrëveshjet ndërkombëtare.
Sipas Siropalit, ky partneritet mbetet garanci për orientimin euroatlantik të vendit.
“Ky partneritet mbetet shtylla kryesore e politikës së jashtme dhe garanci për orientimin euroatlantik të vendit. Nga pikëpamja ligjore dhe kushtetuese, ky projektligj është në përputhje me dispozitat e kushtetutës së Republikës së Shqipërisë dhe me ligjin për marrëveshjet ndërkombëtare. Karta e Bordit të Paqes parashikon që asnjë shtet nuk është i detyruar të marrë pjesë në misione pa pëlqimin e tyre dhe se sovraniteti kombëtar mbetet i paprekur. Shtetet mund të përfaqësohen në bord nga kreu i shtetit ose kreu i qeverisë. Çdo shtet anëtar ka një mandat tre vjeçar, subjekt i rinovimit nga kryetari i Bordit të Paqes”-tha ministrja e Jashtme.
Spiropali shtoi se në këtë fazë, projektligji nuk sjell kosto shtesë për buxhetin e shtetit.
“Kontributet do të jenë vullnetare dhe do të planifikohen në mënyrë transparente në buxhetin ne Ministrisë për Europën dhe Punët e Jashtme, sipas standarteve buxhetore afatmesme. Akti është hartuar nga ministria për Europën dhe Punët e Jashtme, në bazë të informacioneve të sjella nga ambasada e Shqipërisë në Uashington”-shtoi Spiropali.
Top Channel
