Moti i keq në Greqi, shënohen dy viktima, dëme dhe përmbytje në Athinë dhe në zonat bregdetare
21/01 20:32
Ministri norvegjez i Financave dhe ish-Sekretari i Përgjithshëm i NATO-s, Jens Stoltenberg, deklaroi se ishte e rëndësishme që presidenti amerikan Donald Trump përjashtoi përdorimin e ushtrisë për të aneksuar Groenlandën.
Në një intervistë për CNN, Stoltenberg komentoi deklaratat e Trump të bëra ditën e sotme në Davos, duke theksuar se ato përbëjnë një mesazh domethënës.
“Sigurisht që ky është një mesazh i rëndësishëm, sepse deri tani shumë njerëz kishin frikë se ai në të vërtetë do të kërcënonte përdorimin e forcës për të përvetësuar Groenlandën”, u shpreh Stoltenberg.
Megjithatë, ai theksoi se integriteti territorial i Groenlandës dhe Danimarkës duhet të respektohet nga të gjithë.
Stoltenberg shtoi gjithashtu se politikanët duhet të tregojnë kujdes në komunikimin mes tyre, pasi mesazhet private mund të bëhen publike.
Më herët gjatë kësaj jave, Donald Trump ndau mesazhe me tekst nga disa udhëheqës botërorë, përfshirë kryeministrin e Norvegjisë, Jonas Gahr Støre, dhe presidentin francez, Emmanuel Macron.
Top Channel
