Pas humbjes së rëndë në derbin me Manchester United, për Manchester City erdhi një tjetër shuplakë akoma më e fortë, humbja në fushën e Bodo/Glimt në Ligën e Kampioneve, një disfatë kjo që i shtyu futbollistët e Manchester City të marrin vendimin që të rimbursojnë të 374 tifozët që shkuan deri në Norvegji për të ndjekur ndeshjen e skuadrës së tyre të zhvilluar në Arktik dhe e shenjuar nga i ftohti intensiv.
Sipas asaj që publikon ‘The Times’, ideja për rimbursimin e tifozëve u hodh nga grupi i kapitenëve të skuadrës i formuar nga Bernardo Silva dhe zv/kapitenët Ruben Dias, Rodri dhe Erling Haaland. Kostoja totale e transfertës së tifozëve ishte rreth 9357 Paund(rreth 10 700 euro), shumë që do të mbulohet e gjitha nga vetë futbllistët për të paguar për të paguar fluturimin dhe akomodimin në hotel.
Duke folur në emër të të gjithë skuadrës, grupi i kapitenëve të Manchester City shpjegoi motivin e këtij gjesti.
‘Tifozët janë gjithçka për ne. E dimë sa sakrifica bëjnë për të udhëtuar në të gjithë botën për të na mbështetur në shtëpi dhe transfertë dhe ne nuk e marrim asgjë për të mirëqenë-deklaruan 4 kapitenët e Manchester City-janë më të mirët në botë. E dimë që bënë një udhëtim të gjatë për të na mbështetur pavarësisht të ftohtit të akullt në atë që ishte një mbrëmje e vështirë për ne në fushë. Mbulimi i kostove të biletave të tifozëve që erdhën në Bodo është minimumi që mund të bëjmë’
Top Channel
