Ushtria izraelite nis sulme të reja ndaj Teheranit, ambasadori iranian në OKB: Janë vrarë mbi 1300 persona 11/03 02:16
Një tren pasagjerësh doli nga shinat të martën vonë pranë Barcelonës, duke plagosur të paktën 15 persona, thanë autoritetet spanjolle.
Katër persona u plagosën rëndë, përfshirë shoferin, raportoi televizioni shtetëror. Aksidenti i atribuohet shembjes së një muri mbajtës në linjën hekurudhore.
Njoftimi i parë për përplasjen u bë në 112 në orën 21:02, raporton el Pais. Sipas supozimeve fillestare, treni në linjën R4, i cili po udhëtonte midis Manresës dhe Sant Vicenç de Calders, u përplas ballë për ballë me një mur mbajtës që, siç duket, ishte shembur mbi shina. Funksionimi i linjës R4 është pezulluar.
Hipotezat e para për shkakun e aksidentit, sipas burimeve zyrtare, tregojnë për shirat e rrëmbyeshëm që kanë goditur Katalonjën ditët e fundit.
Ndërkohë, një aksident i dytë ndodhi në një tren që operonte në linjën R1, midis stacioneve Blanes dhe Maçanet.
Treni doli nga shinat pa shkaktuar lëndime. Aksidenti u shkaktua nga rënia e gurëve mbi shinat si pasojë e stuhisë.
Top Channel
