“Do rrëmbeni presidentin amerikan nëse marrin Groenlandën?”/ Zyrtari i lartë rus provokon europianët: Ata thjeshtë do frikësohen dhe do ta dorëzojnë vetë 14/01 22:55
Grupi i të drejtave të njeriut Amnesty International njoftoi se në Iran po kryhen vrasje masive të paligjshme në një shkallë të lartë, në kuadër të protestave antiqeveritare dhe ndërprerjes së internetit.
“Vazhdimi i mosndëshkimit për krimet e kryera nga forcat e sigurisë ka inkurajuar autoritetet iraniane të vazhdojnë sjelljen kriminale,” tha grupi, duke i bërë thirrje Kombeve të Bashkuara të përdorin mekanizmat ndërkombëtarë të drejtësisë për të penguar gjakderdhjen e mëtejshme.
Sipas HRANA, një grup tjetër për të drejtat e njeriut me seli në SHBA, më shumë se 2,400 protestues janë vrarë që nga fillimi i demonstratave antiqeveritare një numër shumë më i lartë se në protestat e mëparshme.
Amnesty analizoi dhjetëra video dhe fotografi nga 10 qytete në gjashtë provinca, duke përfshirë Teheranin, dhe i mbështeti ato me intervista dhe dëshmi mjekësore. Pamjet tregojnë forcat e sigurisë duke qëlluar drejtpërdrejt mbi protestues dhe civilë të paarmatosur, përfshirë nga çatitë e ndërtesave, stacione policore dhe xhami. Në disa video, autoritetet ndjekin dhe qëllojnë mbi civilët që po largohen, të cilët nuk paraqisnin kërcënim.
Raporti përfshin gjithashtu pamje të morgjeve të mbushura, përfshirë një strukturë të improvizuar në Kahrizak, pranë Teheranit, të cilat janë verifikuar edhe nga CNN.
“Kjo spirale gjakderdhjeje dhe pandëshkueshmërie duhet të marrë fund. Asnjë valë e mëparshme e protestave nuk ka pasur këtë shkallë dhune që nga 8 janari,” tha Agnès Callamard, sekretare e përgjithshme e Amnesty International.
Top Channel
