Nuk pati fitues në ndeshjen mes Elbasanit dhe Flamurtarit në këtë raund të Superiores. Në ‘Elbasan Arena’ skuadrat dolën nga fusha e lojës me nga 1 pikë secila pasi kjo përballje u mbyll me barazimin 1-1, megjithatë emocionet nuk munguan.
Në pjesën e parë, Elbasani u pa të ishte më kërkues teksa disa herë iu afrua golit, por pa mundur të konkretizojë sulmet që kishtë. Pak para pushimit të ndeshjes, Tsague arriti të gjejë rrugën e rrjetës por goli i tij u anulua për pozicion jashtë loje.
Gjithsesi skuadra e Elbasanit arriti të zhbllokojë rezultatin në pjesën e dytë me një penallti të fituar nga Lajthia dhe të ekzekutuar saktë nga Diallo. Festa e verdhekuqve zgjati shumë pak pasi Flamurtari reagoi dhe barazoi shifrat në 1-1 me Oshafin.
Në minutat e mbetura të dyja skuadrat e kërkuan të shënojnë një gol tjetër, por në fund 90 minutëshi u mbyll 1-1 me Elbasanin që shkon në 34 pikë, ndërsa Flamurtari në 15 pikë.
Top Channel
